Wonderlik, jy het die eerste elf weke oorleef en nou is jy by week 12 van ons oefenprogram.
As jy ongewone pyn in jou knieë, rug of bene ervaar is dit die moeite werd om jou skoene te inspekteer. Uitgetrapte skoene gooi jou liggaam se balans uit en lei tot allerhande sekondêre probleme. As jy nie seker is nie, besoek ’n gespesialiseerde sportskoenwinkel of ’n fisioterapeut. Die algemene reël is tussen 500 en 800km of ’n jaar se oefen in ’n paar skoene as jy nie lang afstande doen nie. Maar dit verskil vir individuele gebruik.
Besoek hierdie webwerwe vir interessante inligting en menings:
www.runnersworld.com/running-shoes/running-shoe-faq
www.runnersconnect.net/running-injury-prevention/how-long-before-you-have-to-change-running-shoes/
Hoe lank hou jóú skoene? Laat ons weet en stuur dit aan [email protected]
Week 12
Maandag: 60 minute (*R)
Dinsdag: rus
Woensdag: 30 min (*R), 30 min (*V)
Donderdag: Rus
Vrydag: 6 km tydtoets*
Saterdag of Sondag: 1h 30min (*M)
*(R) Rustig: hartklop onder 140 slae per minuut, pas – ongeveer 7:45min/km
*(M) Medium: hartklop tusse 140-155 slae per minuut, pas – 7:08min/km
*(V) Vining: hartklop tussen 155-170 slae per minuut, pas – 6:20 min/km
*(I) Interval: hartklop 165 slae per minuut en hoër, pas – 5:51min/km
*(LSA) Lang Stadige Afstand: hartklop onder 140 slae per minuut, pas – 7:45min/km
*tydtoets (time trial) so vining as wat jy die afstand kan hardloop.
*Bekende atleet Elana Meyer het ’n program oor vier maande vir ons ontwerp en sal jou van ’n half marathon tot ’n volle marathon kry met 5h00 as jou mikpunt. Die Sanlam Cape Town Marathon se afsnypunt is ’n rojale sewe uur, so jy het sommer baie ekstra tyd as dit jou eerste marathon is.
