Teks en foto’s: Margaret Gardiner
Tamaryn Green is gekroon as Mej. Suid-Afrika en sal deelneem aan Mej. Heelal en Thulisa Keyi is Eerste Prinses en Mej. Wêreld Suid-Afrika. Hierdie jaar merk ook 60 jaar van die Mej. Suid-Afrika skoonheidskompetisie.
Die afgelope 60 jaar het baie Suid-Afrikaanse meisies aan hierdie Mej. Suid-Afrika wedstryde deelgeneem. Suzette van der Merwe, ’n voormalige Mej. Suid-Afrika, het in samewerking met Cell-C en Sun International soveel moontlik van die voormalige skoonheidskoninginne bymekaar gebring om vanjaar se kroning by te woon en om 60 jaar se wenners te vier. Gisteraand het sommige van die vorige titelhouers bymekaar gekom om hul stories te deel.
Ek deel my ervaring:
Wat is ’n tuiskoms? Dit is baie dinge, maar dit verbind jou ook opnuut met jou diegene saam wie jy gesnoer is. Daarmee bedoel ek vroue wat mekaar ondersteun, vir hulself lag, nie op die uiterlike fokus nie, vriendelik is, wat selfversekerd voel en self-geaktualiseer is in hul visie van hulself. Dit is belangrike elemente van ’n gesentreerde persoon: Om vrede met jouself te hê.
Min mense sal verstaan hoe dit voel om in ’n vertrek te wees saam met vroue wat hul land al in hierdie eksklusiewe klub verteenwoordig het.
Hoewel baie persone nie veel van dié titels dink nie, verg dit staal in jou pype. Jy moet politieke vrae beantwoord en ’n advokaat vir vroueregte te wees terwyl jy jou liggaam op hakke van sowat 13 cm balanseer. En dit terwyl baie jou bloot as ’n leë kop beskou en dit omdat jy ’n droom navolg.
Baie van dié vroue het groot kwessies oorkom, is deur die publiek verwerp en het die uitdagings op die internasionale verhoog aangespreek. Hulle is sterk, optimisties, en bereid om hul beste te doen.
Dit is ’n baie persoonlike ding om jouself bloot te stel om beoordeel te word. Daar is dikwels min begrip van die druk waaronder mens is as jy jou land verteenwoordig en moet verdedig. Ons mense is divers, warm en kreatief. Ons het ’n ingewikkelde geskiedenis. Met min voorbereiding het ons ambassadeurs vir al die verskillende faksies geword. Ons het probeer om baie beelde te verteenwoordig. Baie van ons is van nature skaam en het ontwikkel en by die publieke oog aangepas.
Hoekom doen ons dit?
Dit is ’n eer om Suid-Afrika te verteenwoordig. Nie een van ons glo dit gaan net oor voorkoms nie: Dit gaan oor die moed om in ’n wêreld in te stap wat min kan ervaar. Dit stel die wenner bekend in ’n susterskap wat kragtig is met liefde en entoesiasme. Daar is geen ego’s nie. Daar is geen vyandigheid nie. Daar is geen rugstekery nie. Dit gaan nie oor die dinge wat buite die groep uitgebeeld word nie.
Ek is trots om myself een van hierdie vroue te noem wat vir my land opstaan op ’n manier wat dikwels verkeerd verstaan word.
Gisteraand het hierdie ongelooflike vroue stories van hul ervaringe gedeel. Elkeen het ’n unieke sagmoedigheid geopenbaar in die deel van hul ervaringe en die ander kon dit verstaan want hulle het deur dieselfde gegaan.
As jy gisteraand na die Mej. Suid-Afrika-kompetisie gekyk het, onthou om die voormalige skoonheidskoninginne nie te oordeel oor die manier waarop tyd hulle behandel het nie, maar fokus op die dapperheid om onder moeilike omstandighede op te staan en te verklaar: “Ek is ’n Suid-Afrikaner. Ek verteenwoordig al my mense. Ons is ’n land met baie potensiaal en ons sal sukses behaal. Kom belê in ons. Kom besoek ons. Kom ontdek die mense waarvoor ons lief is, want dan sal jy Suid-Afrikaners liefhê soos ons hulle liefhet.”
Groepfoto met die voormalige Mej. SA’s.
Lees ook: Margaret se Wêreld: Mej. SA dag 2
Margaret se Wêreld: Mej. SA dag 3
Volg Margaret op Instagram (@margaret_gardiner) en facebook (@margaretgardinerofficial) om meer oor haar Mej. SA 2018-ervaring te sien.
Lees ook: Mej. Suid-Afrika 2018
Lees Meer
