Meer oor: Vitamiene en anti-oksidante

Dr Willie Visser, hoof van Dermatologie by die Universiteit van Stellenbosch, verduidelik die belangrikheid van vitamiene en anti-oksidante vir ons vel:

Anti-oksidante is vitamiene wat die gevaarlike suurstofradikale wat deur UV-lig en omgewingsbesoedeling veroorsaak word, neutraliseer. Dit beskerm ons teen die newe-effekte van UV-strale, soos sonskade en veroudering van die vel. Die beste manier om ’n hoë konsentrasie hiervan in te kry, is deur dit op die vel aan te wend. Daar is tans talle produkte op die mark wat vitamien C en E bevat, hoewel die belangrikste vorm van beskerming, sonbeskerming is. Dit help nie jy fokus op anti-oksidante, maar gebruik nie sonblok nie.