Moenie Musiek Soos Grond by The Big Red Barn in Pretoria misloop nie! Inligting en foto’s verskaf. Hooffoto deur Henri Skoll Photography
The Big Red Barn (Pretoria) gaan hierdie naweek die tuiste wees van ’n baie unieke en betowerende musiekkonsert wat beloof om die mees aangrypende musiek van die beste talent in Suid-Afrika ten toon te stel!
Joshua na die Reën, Kaleidoskoop, Len Muller, Leon Gropp, Lizandra Winter en Liani Reynolds gaan almal die verhoog deel en nie net hulle eie verwerkings opvoer nie, maar ook saam musiek maak en mekaar begelei.
Lees ook: Ons gesels met Joshua na die Reën
Die eerste Musiek Soos Grond vertoning het die afgelope naweek by Villa Avianto in Bloemfontein plaasgevind en dit was ’n reuse sukses!
Buiten vir hoë gehalte musiek, sal gaste ook bederf word met gourmet-geregte, lekker wyn en goeie koffie om die geleentheid mee af te rond.
“Die kunstenaars wat betrokke is by die projek, is almal mense met dieselfde hart vir musiek wat as gevolg van ’n sameloop van omstandighede paaie gekruis het, en die doelwit is om hierdie konsep te groei sodat daar in die toekoms meer musikante betrokke kan wees,” vertel Joshua na die Reën, wat die musiekproduksie behartig.
Luister hier na Musiek Soos Grond se enkelsnit, Lugballon
Meer inligting oor die vertoning
Datum: 4 Mei 2019
Plek: The Big Red Barn, Pretoria
Tyd: Deure open om 17h00 en sluit weer om 22h00. Gaste is welkom om piekniekkomberse, kampstoele of kussings te bring om op te sit terwyl hulle saam kuier.
Kaartjies: Kaartjies sal beskikbaar wees by www.musieksoosgrond.co.za en sal wissel tussen R200 en R250 per persoon.
Ek word stil.
Ek word stil as my siel onder jou voete soos ’n oop, omgeploegde land lê.
Jy met jou musiek soos reën oor my… met ’n kaleidoskoop van kleur laat dit iets wat
versteek is binne my uit sy nate bars en dan word dit skielik groen,
’n grasvlakte, ’n boom, ’n woud.
En ek word stil,
stil tevrede as my siel te midde van jou melodieë ontkiem.
– Musiek Soos Grond –
Volg Musiek Soos Grond gerus ook op sosiale media: facebook, twitter en instagram
Lees Meer
