Is jy so opgewonde soos ek oor die wetenskapfiksieriller Blade Runner 2049– wat op 6 Oktober 2017 vrygestel word?
Harrison Ford in Blade Runner 2049 in samewerking met Columbia Pictures, plaaslike verspreiding deur Warner Bros. Pictures en internasionale verspreiding deur Sony Pictures Releasing International. Foto verskaf deur Sony Movies.
Ek het die oorspronklike 1982 Blade Runner (wat, terloops, in 2019 afspeel) as tiener gesien en dit het my so aangegryp dat ek dit deesdae byna jaarliks weer kyk. Terwyl die oorspronklike 1982-fliek gebaseer is op Philip K. Dick se Do Androids Dream of Electric Sheep? is Blade Runner 2049 nie direk op dié boek gebaseer nie maar volg dit eerder op die vorige film.
So, wat gebeur dan in Blade Runner 2049? Dertig jaar na die gebeure van die eerste film is daar ’n nuwe blade runner, LAPD Offisier K (Ryan Gosling). Hy ontdek iets wat vir jare lank geheim gehou is wat die potensiaal inhou om dit wat van die samelewing oorbly in absolute chaos te omskep. K se ontdekking lei hom op ’n soektog om Rick Deckard (Harrison Ford) te vind, ’n voormalige LAPD blade runner wat 30 jaar gelede spoorloos verdwyn het …
RYAN GOSLING as K in Alcon Entertainment se wetenskapsfiksieriller BLADE RUNNER 2049 in samewerking met Columbia Pictures, plaaslike verspreiding deur Warner Bros. Pictures internasionale verspreiding deur Sony Pictures Releasing International. Foto verskaf deur Sony Movies.
Kyk hier na die foto’s van die akteurs
Kyk hier na die amptelike lokprent
Die akteurs in die rolprent sluit in Ryan Gosling, Harrison Ford, Ana de Armas, Sylvia Hoeks, Robin Wright, Mackenzie Davis, Carla Juir, Lennie James, Dave Batista en Jared Leto.
Die film se regie is behartig deur Denis Villeneuve en die vervaardigers is Andrew A. Kosove, Broderick Johnson, Bud Yorkin en Cynthia Yorkin. Die uitvoerende vervaardigers is Ridley Scott, Tim Gamble, Frank Giustra, Yale Badick, Val Hill, Bill Carraro.
