Hoe om vars blomme as versiering te gebruik deur Vickie de Beer. Foto’s: Lee Schwagele van CRPhotographic
Vars blomme
Ons sien nou meer en meer dat troukoeke en spesiale koeke met vars blomme getooi word.
Blomkunstenaar Marida Steyn van Paradiso Flowers gee vir ons haar topwenke om koeke met blomme te tooi:
1. Jy hoef dit nie af te spoel nie
Blomme word nie regtig met gifstowwe bespuit nie so dit is nie nodig om dit af te spoel voor dit gebruik word nie.
Foto: Lee Schwagele
2. Gee dit vooraf genoeg water
Laat die blomme die vorige dag in diep water staan om goed te drink sodat hulle langer hou.
3. Moenie dat die stele aan die koek raak nie
Sny die stele kort en draai bloemisteband, kleefplastiek of foelie om die steel sodat dit nie met die koek in aanraking kom nie.
Foto: Lee Schwagele
4. Maak so om die blomme regop te laat staan
Druk baie dun bloemistedraad in die afgesnyde steeltjies as jy die blommetjies regop wil laat staan op die koek.
5. Pasop vir giftige blomme!
Maak seker jy gebruik nie giftige blomme nie (kyk op die Internet). Blomme met slymerige sap is dikwels giftig. Jy kan hulle steeds gebruik, draai net goed toe met kleefplastiek sodat dit nie aan die versiersuiker raak nie.
Probeer hierdie heerlike resep: Sitrus-amandel-en-lemoenbloeiselkoek met mascarpone
