Avokado op roosterbrood het die eerste keer in die jare negentig op die bekende Australiese sjef Bill Granger se spyskaart verskyn. Die gewildheid van hierdie kulinêre verskynsel neem geensins af nie soos fynproewers voortgaan om avokado op roosterbrood op nuwe maniere te gebruik.
In Suid-Afrika is dit duidelik wanneer jy deur die kookboeke van tuiskokke, professionele kokke en fynproewers blaai dat avokado op roosterbrood steeds ’n alledaagse (en geliefde!) ontbyt is – en enige tyd van die dag – in resepte gesny, gekap en fyngemaak word. Dis een van die redes waarom avokado op roosterbrood so gewild bly – dit kan eenvoudig net so geniet word of in ietsie opwindender verander word.
Behalwe dat dit heerlik, maklik om voor te berei en veelsydig is, bied avokado’s ook talle gesondheidsvoordele. Of jy nou ’n avo kies wat groen of donkervellig is, alle avokado’s is …
- … hoog in energie
- … hoog in hartgesonde vette
- … hoog in vitamien k
- … hoog in biotien
- … cholesterolvry
- … natriumvry
- … ‘n bron van vesel
Jy kan avokado by enige maaltyd voeg – ons sal sê dis ’n moet!
Roosterbrood met avokado-mayonnaise, feta en vars groente
6 porsies
Voorbereidingstyd: 20 minute
VIR DIE AVO-MAYONNAISE
- 1 avokado, fyngekap
- 15 ml (1 e) witwynasyn
- knypie knoffelpoeier
- 30 ml (2 e) avokado- of olyfolie en ’n ekstra skeut
- sout en peper
VIR DIE ROOSTERBROOD
- 6 snye saadbrood, gerooster
- hand vol kruisement, gekap
- 500 ml (2 k) vars groente, punte afgesny
- 1-2 avokado’s, na smaak gesny
- 60 ml (¼ k) feta, gekrummel
- hand vol babablare of ekstra kruisement
- Meng bestanddele saam tot glad vir avokado-mayonnaise. Geur met sout en peper.
- Smeer laag avokado-mayonnaise op roosterbrood. Meng kruisement en bietjie ekstra olie deur die groente. Geur met sout en peper.
- Rangskik groente op roosterbrood met avokado, gegeur met sout en peper. Sprinkel feta en blare oor.
Wenk: Gebruik enige van jou gunsteling- vars groente soos suikerertjies, komkommer, radyse, gekookte mieliepitte, brandrissies en rooi-ui.
Roosterbrood met tamatiebiefstuk en avokadohoemoes
Lewer 4-6 porsies
Voorbereidingstyd: 15 minute
Gaarmaaktyd: 20 minute
Bestanddele:
VIR DIE AVOKODO HUMMUS
- 1 avokado
- 400 g-blikkie kekerertjies, gedreineer
- 15 ml (1 e) tahini (opsioneel)
- 1 knoffelhuisie, fyngedruk
- 30 ml (2 e) avokado- of olyfolie en ekstra
- sap van 1 suurlemoen, na smaak
- sout en peper
TAMATIESTEAK MET ’N BYT
- 300 g biefstuk
- 250 g pakkie kersietamaties
- 30 ml (2 e) rooiwynasyn
- 15 ml (1 e) brandrissievlokkies
OPDIENING
- 4-6 snye suurdeeg, gerooster
- 1 avokado, gesny
- hand vol basiliekruid
Metode:
- Meng bestanddele saam tot glad vir avokado-hoemoes. Geur met sout en peper.
- Verhit groot braaipan oor hoë hitte tot rookwarm vir biefstuk. Voeg bietjie ekstra olie by en braai steak vir ongeveer 3 minute aan elke kant vir tussen rou en halfgaar, of tot gaar na jou smaak. Geur met sout en peper. Laat staan vir 5 minute voor jy dit dun sny.
- Voeg intussen tamaties by warm pan met bietjie ekstra olie, asyn en brandrissievlokkies. Verlaag hitte tot laag, bedek met deksel en laat vir ongeveer 5 minute prut of totdat tamaties begin bars. Geur met sout en peper. Verwyder van hitte en meng deur biefstukrepies (moenie te lank in pan los nie, jy wil nie biefstuk verder gaarmaak nie).
- Om voor te sit, smeer roosterbrood met avokadohoemoes, bedek met die tamatie-biefstukmengsel, avokado-skyfies en basiliekruid.
Roosterbrood met biltong en growwe basiliekruid-en-avokadopesto
6 porsies
Voorbereidingstyd: 15 minute
Gaartyd: 5 minute
VIR DIE GROWWE BASILIEKRUID-EN-AVOKADOPESTO
- ½ avokado, gekap
- 2 hande vol basiliekruid en ekstra
- 60 ml (¼ k) avokado- of olyfolie
- 60 ml (¼ k) dennepitte of sonneblomsaad, gerooster en ekstra
- 80 ml (⅓ k) gerasperde parmesaankaas en ekstra
- 1 knoffelhuisie, fyngedruk
- sout en peper
OPDIENING
- 6 snye ciabatta, gerooster
- 100 g dun gesnyde biltong
- 1 avokado, gekap
- Meng bestanddele saam totdat growwe pasta vir pesto vorm. Geur met sout en peper.
- Smeer roosterbrood met pesto om voor te sit. Bedek met biltong, avokado, ekstra basiliekruid, ekstra dennepitte/sonneblomsaad en ekstra parmesaan.
Vir nog resepte, klik hier.
