Serves: 1 groot tertNutrition facts:200 calories20 grams fat
Ingredients
400 g (1 rol) klaarbereide blaardeeg (ontvries)
50 g sagte botter
50 g suiker
1 eier
50 g gemaalde amandels
12 ferm nektariens, in kwarte gesny
15 ml (1 e) vinkelsaad
100 g (80 ml) gladde appelkoos-of perskekonfyt
’n hand vol balsemkruidblare
Voorverhit die oond tot 220 °C.
Instructions
Rol die deeg sowat 4 mm dik op ’n meelbestrooide werkvlak uit. Voer ’n 21cm- vierkantige losboompan daarmee uit. Sny die deeg wat oorhang met ’n skerp messie af.
Room die botter en suiker saam tot lig en donsig. Voeg die eier by en klits tot gemeng. Voeg die amandels by.
Smeer die amandelvulsel oor die deeg. Rangskik die nektariens in rye op die amandelvulsel (jy kan dit maar lekker vol pak) en strooi die vinkelsaad oor. Laat vir 20-30min. in die yskas rus. Bak vir 25-30 min. of tot die deeg goudbruin is en die nektariens donker gebak is.
Verhit die appelkooskonfyt en 60 ml (¼ k) water in ’n klein kastrol. Haal af en verf oor die tert terwyl dit nog warm is. Sit voor met hande vol vars balsemkruidblare.