Outydse Toskaanse teekoekies

Bestanddele

• 900 g koekmeel
• 5 ml koeksoda
• 15 ml bakpoeier
• uitgedrukte sap en gerasperde skil van 1 suurlemoen
•  450 g suiker
•  4 eiers, geklits
• 500 g ricotta
• 230 g sagte botter
• sif 10 ml fyn kaneel en 250 g versiersuiker saam in ’n bak

Metode

1. Voorverhit die oond tot 180 °C.
2. Smeer ’n groot bakplaat met botter en sit eenkant.
3. Sif die meel, koeksoda en bakpoeier saam in ’n groot mengbak.
4. Meng die suurlemoensap en -skil, suiker, eiers, ricotta en botter.
5. Meng by die droë bestanddele in tot ’n werkbare deeg vorm.
6. Knyp appelkoosgrootte balletjies van die deeg af en rol in balletjies, pak 3 cm uit mekaar op die bakplaat en bak vir 30 min. tot goudbruin.
7. Haal uit en laat effens afkoel. Rol in die versiersuiker-en-kaneel-mengsel.