Perske-mozzarella-en-parmaham-slaai

Genoeg vir 4

Bestanddele

Lemoen-slaaisous

• 30 ml (2 e) witwyn asyn
• fyn gerasperde skil en sap van 1 lemoen
• fyn gerasperde skil en sap van 1 suurlemoen
• 1 knoffelhuisie, gekneus
• 5 ml (1 t) korrel mosterd
• 15 ml (1 e) heuning
• 45 ml (3 e) olyf- of avokado-olie
• sout en gemaalde swartpeper
• hand vol baba-spinasie en bronkorsblare
• 4 perskes, in wiggies gesny
• 12 snytjies parmaham
• 1 x 250 g-houer bocconcini-mozzarella, in stukke gebreek
• 1 x 100 g-pakkie dennepitte, gerooster

Metode

1. Slaaisous: Meng die asyn, lemoenskil en -sap, suurlemoenskil en -sap, knoffel, mosterd, heuning en olie. Geur na smaak.
2. Pak die blare, perske, parmaham en bocconcini uit op ’n bord.
3. Strooi die dennepitte oor en sit met die lemoenslaaisous voor.