Pick n Pay het heerlike nuwe wyn- en kosfees vir Kaapstad in April!

Pick n Pay het heerlike nuwe wyn- en kosfees vir Kaapstad in April! foto’s en inligting verskaf. Hooffoto: Johann Botha

Pick n Pay het heerlike nuwe wyn- en kosfees vir Kaapstad in April!

Liefhebbers van goeie wyn en lekker kos moet beslis ‘n nota maak van die splinternuwe Pick n Pay Wine & Food Festival Cape Town wat van 3 tot 5 April by die V&A Waterfront se pragtige Northern Wharf gehou word.

Hierdie geleentheid bied ‘n kombinasie van heerlike kos en ‘n keur van die Kaap se beste wyne. Die fees word met trots aangebied deur Pick n Pay, wat meer as ‘n 1000 soorte wyn van 100 landgoedere in hul winkels landswyd verkoop. Boonop kan jy jou gunstelingwyn aanskaf teen dieselfde prys as wat jy dit by die wynplase se kelders koop.

En Gautengers, moenie bekommerd wees nie: ‘n soortgelyke fees word later in die jaar in Johannesburg gehou.

Goeie wyn gaan hand aan hand met lekker kos, en by die Pick n Pay Fresh Food Market gaan daar oorgenoeg wees om te proe en te koop – van varsgebakte brode, heerlike kase, vars vrugte en groente tot steaks, kaasborde, hamburgers, toebroodjies en koffie. Spesiale peuselgoed vir die kleingoed sal ook te koop wees.

‘n Besliste hoogtepunt is die spesiale proekamer. By die Pick n Pay Tasting Room sal kenners soos wynmakers en ‘n professionele sjef jou smaakknoppies prikkel met bekroonde wyne, perfek gepaar met smelt-in-die-mond canapés. Behalwe vir die gastronomiese genot, sal jy na hierdie ervaring ook jou vriende kan beïndruk met jou kennis van watter wyn saam met watter kos bedien behoort te word.

Maar wees gewaarsku: kaartjies vir hierdie 30 minuut-sessies is beperk, en verkoop vinnig uit. Bespreek dus nou al jou plek hier om teleurstelling te voorkom.

Die dag se pret en plesier sal aangevul word deur musiek. Bring gerus jou familie en vriende en kom deel in die pret!

Wanneer:

Vrydag 3 April 15h00 tot 19h00 (Toegang @R165)

Saterdag 4 April 12h00 tot 19h00 (Toegang @R185)

Sondag 5 April 12h00 tot 18h00 (Toegang @R185)

*Kinders onder 18: gratis toegang, maar ontvang nie ‘n proeglas nie.

Waar: North Wharf, V&A Waterfront

Kaartjiepryse vir die Pick n Pay Tasting Room (*sluit toegang tot die wyn- en kosfees in, asook ‘n 30-minuut voorafbespreekte wyn en canapé-proesessie)