Sampioen-en-spek-pasteitjies

Instructions

Voorverhit die oond tot 180 °C.

1. Kook die aartappels vir sowat 15 min. in ’n kastrol met water en ’n knypie sout tot sag en gaar. Dreineer en druk fyn met ’n vurk.
2. Voeg die kaas by die aartappels en meng deur. Geur na smaak, hou eenkant.
3. Braai die ui en knoffel vir sowat 5 min. tot sag. Stroop die tiemieblaartjies van die takkies af en meng deur die uie.
4. Voeg die spek en sampioene by en braai tot goudbruin. Voeg die pietersielie by en geur na smaak.
5. Skep die helfte van die fyn gedrukte aartappel onder in 4 x 250 ml oondvaste bakkies en bedek met die sampioenmengsel. Skep die res van die aartappel bo-op en bak vir sowat 30 min. tot goudbruin.