Speelgoeddeeg

Bestanddele

• 250 ml (1 k) meel
• 250 ml  (1 k) water
• 125 ml (½ k) sout
• 12,5 ml (1 e) olie
• 10 ml (2 t) kremetart (cream of tartar)
• paar druppels kleursel

Metode

1. Gooi alles in ’n middelslag kastrol.
2. Mens alles goed met ’n bolklitser tot daar geen klonte is nie.
3. Roer met ’n houtlepel oor medium hitte.
4. Roer vinnig soos die deeg gaar word.
5. Moenie bekommerd raak as dit lyk of die deeg baie klonterig is nie, die klonte verdwyn soos wat die deeg gaar word.
6. As die deeg in ’n bal bymekaar kom, is dit gaar. Verwyder van plaat en haal uit pot. Laat afkoel.

Die deeg het baie sout in en behoort lank te hou sonder om te bederf. Hou weg van troeteldiere, want die hoë soutinhoud kan gevaarlik wees as hulle die hele spul opeet!

Lees ook: Die kwaai kalante: Raad vir ouers met aggressiewe kinders