“Pas jou troeteldier se tande op vir algehele gesondheid.” Dis die boodskap vir die nasionale Hill’s troeteldiertandheelkunde-maand in September. Dit word aangebied om eienaars van troeteldiere aan te moedig om proaktief te wees oor hul troeteldiere se mondgesondheid, om sodoende tandheelkundige siektes te voorkom.
Tandheelkundige siektes is baie algemeen. Volgens die Amerikaanse Veeartsenykundige Tandheelkundige Vereniging word 80% van troeteldiere geraak as hulle vier jaar oud word. Dit is ernstiger as wat mense dink en kan buiten slegte asem, bloeiende tandvleis, tandverlies en pyn, ook tandheelkundige, sistemiese siektes opdoen wat lewensgevaarlik is.
“Bakterieë en gifstowwe in ’n besmette mond kan die bloedstroom binnedring en lewensbelangrike organe aantas wat ernstige siektes, insluitende hart- en niersiektes, veroorsaak,” verduidelik dr. Guy Fyvie, veeartsenykundige en raadgewer vir Hill’s Pet Nutrition.
Probleme begin gewoonlik met die opbou van taai plaak wat verhard en tandsteen vorm. Dit kan lei tot gingivitis – ’n rooi swelling en ontsteking van die tandvleis. As dit nie behandel word nie, kan periodontale siekte ontwikkel wat die tandvleis en weefsel vernietig wat die tande ondersteun.
Tandheelkundige siektes is voorkombaar en jy kan veel meer siektes voorkom as net gaatjies in die tande. Dr. Fyvie dui vyf eenvoudige stappe aan om jou troeteldier se mond gesond te hou:
Beskerm jou troeteldier se mond in 5 stappe
1. Neem jou troeteldier jaarliks na die veearts vir ’n tandheelkundige ondersoek, of wanneer jy enige simptome soos ’n slegte asem, bloeiende tandvleis, verkleurde tande of kwyl waarneem.
2. Borsel hul tande gereeld om plaak te verwyder. Dit word aanbeveel as die “goue standaard” van troeteldier-tandheelkundige sorg. Gebruik ’n troeteldier-tandepasta en ’n sagte tandeborsel. Borsel is nie altyd ’n maklike roetine vir ouer diere om aan te leer nie en dis daarom goed om ’n gereelde tandskoonmaak-roetine op ’n jong ouderdom te begin.
3. Voer jou dier kos wat klinies getoets is om tande skoon te hou terwyl hy of sy eet. Hill’s Prescription Diet t/d en Science Plan Oral Care is die enigste volledige troeteldiervoedsel in Suid-Afrika wat bekroon is met die Veeartsenykundige Mondgesondheidsraad se seël van goedkeuring vir plaak en tandsteen-beheer. Die blokkies bevat ’n gepatenteerde vesel-matriks wat soos ’n eetbare tandeborsel werk en die tande liggies skrop, skoonmaak, plaak verwyder en tandsteen-opbou vermy, terwyl hy of sy eet.
4. Vermy dit om vir hulle taai lekkers en peuselhappies te gee wat kan lei tot ’n vinnige opbou van plaak.
5. Gebruik tand-vriendelike speelgoed en vermy harde bene. Selfs harde Frisbees kan tande beskadig.
Vir nog deskundige raad, gesels met jou veearts of besoek www.hillspet.co.za
