Vou jou klere in ’n oogwink

20/04/2017

Om klere reg op te vou is ’n lang proses. Tog is dit nodig as jy nie teen die einde van die week met ’n orkaan in jou kas wil sit nie. Klerevouers is al vir ’n geruime tyd op winkelrakke te sien, maar nou kan jy sommer jou eie een self maak (uit een boks)! Ons wys jou hoe. Deur Bea Lingenfelder. Hooffoto: Pexels

Volg hierdie 5 stappe

Sny ’n ou kartonboks in 6 ewe groot dele – die grootte van hoe jy jou hemp wil vou.
Rangskik die dele sodat daar drie bo en drie onder lê.
Plak die middellyn met kleefband vas en die boonste drie dele aanmekaar sodat dit as een vou. Die onderste drie dele moet afsonderlik kan vou.
Lê jou hemp met die voorkant na onder oop op jou vouer.
Vou dele 1 en 2 eerste en dan deel 3.

So maklik soos dit!