Brei dié twee stylvolle musse vir die manne in jou lewe

Deur Christa Swanepoel

Afkortings

aw – aweregs
aw2tes – aw 2 steke tesame
r – regs
r2tes – r 2 steke tesame

Maklik en mooi

Hierdie mus word sywaarts gebrei. (Neutrale kleur mus)

Foto: Chanelle Naudt

Wat het jy nodig?

1 bal AFRICAN EXPRESSIONS Adore (100 g) Kleur 8285
(20% Kid Mohair, 80% Merino)
6,5 mm-breinaalde

Aanwysings

Stel 36 ste losweg op.
Ry 1 | r.
Ry 2 | r.
Ry 3 | r34, draai.
Ry 4 | r.
Ry 5 | r32, draai.
Ry 6 | r.
Ry 7 | r30, draai.
Ry 8 | r.
Ry 9 | r28, draai.
Ry 10 | r.
Ry 11 | r26, draai.
Ry 12 | r.
Ry 13 | r24, draai.
Ry 14 | r.
Ry 15 | r oor al die steke.
Ry 16 | r.

Herh ry 3-16 nog 6 keer.
Heg af. Knip draad lank af vir toewerk.

Voltooi

Ryg draad deur boonste ryg, trek dit styf en verstewig dit. Met regte kante opmekaar, werk opstelry en afhegry aan mekaar, maar werk die laaste paar sentimeter met verkeerde kante opmekaar vir die omslaan.

Knus mus met kammakabel

Jy kan hierdie mus ook deurgaans met 2×2-rif brei. (Blou mus)

Foto: Chanelle Naudt

Wat het jy nodig?

2 balle AFRICAN EXPRESSIONS Joy (50 g) Kleur 1071
(15% Mohair, 40% Wol, 45% Akriel)
4 mm- en 4,5 mm-naalde

Patroonsteek

Ry 1 | aw1, r tot einde.
Ry 2 | aw tot laaste st, r1.
Ry 3 | aw1, *r agterin 2de steek op linkerkantste naald, maar moenie afgooi, r voor in 1ste steek en gooi albei saam van naald af, aw2, herh van * tot einde.
Ry 4 | (r2, aw2) tot laaste st, r1.

Herh ry 1-4.

Aanwysings

Met 4 mm-naalde stel 109 ste op.
Ry 1 | aw1, (r2, aw2) tot einde.
Ry 2 | (r2, aw2) tot laaste st, r1.

Herh Ry 1-2 nog 10 keer.Begin met patroonsteek en gaan voort tot werk 24 cm lank is, eindig met VK-ry.

Begin verminder

Vlg ry | aw1, *r2, aw2, r2, aw2tes, herh van * tot laaste 4 ste, r2, aw2 (90 ste).
Vlg ry | r2, aw2, *r1, aw2, r2, aw2, herh van * tot laaste st, r1.
Vlg ry | aw1, *r2, aw2tes, r2, aw1, herh van * tot laaste 4 ste, r2, aw2tes (72 ste).
Vlg ry | (r1, aw2) tot laaste st, r1.
Vlg ry | aw1, (r2tes, aw1) tot einde (55 ste).
Vlg ry | (r1, aw1) tot laaste st, r1.
Vlg ry | aw1, (r2tes) tot einde (27 ste).
Vlg ry | aw tot laaste st, r1.
Vlg ry | aw1, (r2tes) tot einde (14 ste).
Vlg ry | aw.

Voltooi

Knip draad lank af vir toewerk, ryg deur oorblywende steke en verstewig dit. Met regte kante opmekaar, werk naat agter toe. Werk rifgedeelte so netjies moontlik toe vir omslaan.

Let wel

Lees op verpakkingsband die versorgingsinstruksies.

Wenke

Hierdie mus kan op twee maniere gedra word: met die rifgedeelte omgeslaan en oor die kop getrek of met die rifgedeelte plat vir ’n pap mus wat agter effens hang.

Die ekstra steek aan die een kant is om die naat netjies te kan toewerk.

Lees ook: Truipatrone uit ons argiewe: deel 5