Die 2017 Boekejol en Filmrolfees word onder die tema “Kort-Kort” aangebied wat die belofte inhou dat besoekers kort-kort geleentheid gaan kry vir saamkuier, debatteer, lag en oordenking. Besoekers vanoor die land kan verwag om verras te word deur die kreatiwiteit van die verhoogproduksies en die prikkelende, en somtyds sensitiewe aktualiteitsgesprekke wat onderwerpe insluit uit ’n breë spektrum oor byvoorbeeld geskiedenis, transformasie, kultuurverskille en finansies.
Afrikaanse boeke en skrywers geniet weereens prominensie op die program. Daar is egter ’n opwindende nuwe toevoeging tot die feesprogram op Vrydag, 18 Augustus wanneer Engelse skrywers en boeke ingesluit word. Die toevoeging bied geleentheid vir wyer deelname tussen taal – en kultuurgroepe heen.
Die fees skop af met ’n gesellige Kronkelkuier waar gaste ontspan met mooi musiek en smul aan heerlike geregte voor die aanvang van ’n wye verskeidenheid aanloklike geleenthede. Die program sluit onder meer in:
- ’n radio-omroepers werkswinkel
- die honderdste verjaardagviering van die Afrikaanse Woordelys en Spelreëls
- talle nuwe boeke vir die jeug
- digitale fotovertonings
- gespreksforums waaraan die publiek met mening kan deelneem
- geleentheid vir belangstellendes om skrywers by te staan met stories skryf
Kundiges soos Tim du Plessis, Pieter Geldenhuys, Coenie de Villiers, Cobus Bester en Bettina Wyngaard sal aktuele gesprekke en boekbesprekings lei. Musikale vermaak word gebied deur kunstenaars soos Gloria Bosman, Hemelbesem, Kevin Leo en Anna Davel. Besoekers kan uitsien om skrywers soos Etienne van Heerden, Helen Zille, Dana Snyman en Thandeka Gqubule te ontmoet.
Besoek www.boekejol.co.za vir meer inligting oor die fees.
Klik hier vir die volledige feesprogram.
-
- Etienne van Heerden
-
- Thandeka Gqubule
-
- Coenie de Villiers
