’n Nuwe hoofstuk in Kanada vir Prins Harry en Meghan

’n Nuwe hoofstuk in Kanada vir Prins Harry en Meghan deur Mareli Mostert. Hooffoto: Shutterstock/Greatstock

’n Nuwe hoofstuk in Kanada vir Prins Harry en Meghan

Na maande van negatiewe beriggewing in die pers en hul dagvaarding van ’n Britse smeerperskoerant het die Britse koninklike paartjie, Harry en Meghan, die nuus van hul gesin se nuwe hoofstuk in Kanada op Instagram bekendgestel.

Die Sussexe het besluit dat hulle in die toekoms nuus eerder op hul persoonlike sosiale media platforms en webtuiste bekend sal maak, eerder as om gebruik te maak van die amptelike koninklike platforms soos die Royal Rota.

View this post on Instagram

“After many months of reflection and internal discussions, we have chosen to make a transition this year in starting to carve out a progressive new role within this institution. We intend to step back as ‘senior’ members of the Royal Family and work to become financially independent, while continuing to fully support Her Majesty The Queen. It is with your encouragement, particularly over the last few years, that we feel prepared to make this adjustment. We now plan to balance our time between the United Kingdom and North America, continuing to honour our duty to The Queen, the Commonwealth, and our patronages. This geographic balance will enable us to raise our son with an appreciation for the royal tradition into which he was born, while also providing our family with the space to focus on the next chapter, including the launch of our new charitable entity. We look forward to sharing the full details of this exciting next step in due course, as we continue to collaborate with Her Majesty The Queen, The Prince of Wales, The Duke of Cambridge and all relevant parties. Until then, please accept our deepest thanks for your continued support.” – The Duke and Duchess of Sussex For more information, please visit sussexroyal.com (link in bio) Image © PA

A post shared by The Duke and Duchess of Sussex (@sussexroyal) on Jan 8, 2020 at 10:33am PST

Die besluit is gegrond op die paartjie se behoefte om hul gesin se identiteit te vestig buite die grense van die koninklike familie. Die paartjie beoog om sodoende ook die band tussen die Verenigde Koninkryk en Noord-Amerika te versterk en terselfdertyd hul gesin se persoonlike finansiële onafhanklikheid te vestig terwyl hulle die Koningin steeds ondersteun.

Die koninklike paartjie meen dat hierdie geografiese balans hulle sal help om hul seuntjie, Archie Mountbatten-Windsor (nou 7 maande oud), groot te maak met respek vir koninklike tradisie, maar hulle ook die nodige ruimte sal gee om te fokus op hul eie gesinslewe en toekomstige liefdadigheidsprojekte.

In ’n koninklike persverklaring het Koningin Elizabeth II verduidelik hoe die familie konstruktiewe gesprekke moes voer oor die toekoms van Harry en sy gesin. Die Koningin het ook dit duidelik gemaak dat die koninklike familie vir Harry en Meghan ten volle ondersteun in die besluit, alhoewel hulle dit sou verkies dat die paartjie steeds voltyds sou deelneem aan koninklike pligte.

Alhoewel die koninklike familie vir Meghan en Harry ondersteun, is baie koninklike aanhangers geskok en teleurgesteld met die besluit. Harry en Meghan kry ook baie negatiewe kommentaar en kritiek oor hul besluit om hul nuus- en media-dekking self te bestuur. Volgens NBC News word dit gesien as ’n poging om joernaliste te verhoed om hul werk te doen en te keer dat die media goed kan funksioneer.

Die Britse hertog en hertogin het op hul amptelike webblad, sussexroyal.com, die redes deurgegee waarom hulle hul media-benadering verander het: Eerstens poog hulle om nuwe- en opkomende joernaliste en koerante ook die kans te gee om die stories te dek. Ook om spesialismedia uit te nooi na spesifieke geleenthede en bekendstellings om hul groter toegang tot saak-gedrewe aktiwiteite te gee, wat die spektrum van nuusdekking sal vergroot. Om toegang te verskaf tot geloofwaardige media afsetpunte wat gefokus is op objektiewe nuus en verslagdoening; om inligting direk met die breër publiek te deel deur hul eie amptelike kommunikasiekanale te gebruik en hul betrokkenheid met die Royal Rota te staak.

Harry en Meghan het besluit om geen verdere nuus te deel tydens die besluitnemingsproses nie, maar hulle is dankbaar vir die ondersteuning wat hulle van vriende en familie ontvang gedurende hierdie nuwe hoofstuk van hul lewens.

Lees ook: Harry, Meghan en Archie kuier in SA

Die mooiste foto’s van Archie Harrison se doop

Harry en Meghan deel foto’s van hul eerste trouherdenking