Sjokolade-en-piesangtertjies

Bestanddele

• 18 enige tipe bros- of gemmerkoekies
• 125 ml (1/2 k) verdikte room
• 220 g sjokolade-haselneutsmeer
• 200 g piesangs, in dun skywe gesny
• 30 ml (2 e) geroosterde haselneute, fyngekap

Metode

1. Voorverhit oond tot 160 ℃. Smeer vlak muffinpan.
2. Plaas 1 koekie in elke gesmeerde gaatjie, bak vir sowat 4 minute of tot sag. Gebruik agterkant van teelepel en druk sagte koekies liggies in gaatjies plat. Laat afkoel.
3. Klits room in bak tot sagte punte vorm.
4. Smeer sjokolade-haselneutsmeer oor koekies en sit sny piesang bo-op. Bedek met room en sprinkel neute bo-oor. Piesangskywe kan ook as versiering bo-op room dien.

rr wenk: Probeer die resep ook op ‘n gewone bakplaat.

Lees ook: Sachertorte met lemoen