Suurlemoenblokkies

Hierdie resep was in die rooi rose van Januarie 2022

Bestanddele

• 125 g botter, grofgekap
• ¼k versiersuiker, en ekstra vir oorstrooi
• 1¼k koekmeel
• 3 eiers
• 1 k strooisuiker
• 2 t suurlemoenskil, fyngerasper
• ½ k suurlemoensap

Stappe

1. Voorverhit oond tot 180 ℃. Smeer vlak vierkantige koekpan van 23 cm met olie en voer bodem en kante met bakpapier uit sodat dit 2 cm bo rand uitsteek.
2. Klits botter en versiersuiker met elektriese klitser tot glad. Roer een koppie meel by. Druk mengsel gelyk oor bodem van pan.
3. Bak vir 15 minute of tot ligbruin.
4. Voeg eiers, strooisuiker, oorblywende meel, gerasperde suurlemoenskil en -sap in bak. Klits tot goed gemeng. Giet suurlemoenmengsel oor warm bodem.
5. Bak vir nog 20 minute of tot ferm. Laat pan op draadrak afkoel voor jy in blokkies sny. Sif versiersuiker oor blokkies net voor opdiening. Vegetaries

rr wenk: Die blokkies kan drie dae in ‘n lugdigte houer in die yskas gebêre word.

Lees ook: Sjokolade-en-piesangtertjies | rooi rose