Aartappelrösti met geposjeerde eiers

Instructions

1. Druk al die vog uit die aartappels en meng met die eiergeel. Geur na smaak.
2. Sit ’n hand vol van die aartappelmengsel in die verhitte olyfolie en botter in ’n pan en druk plat met die agterkant van ’n lepel. Braai vir sowat 5 min., draai om en braai tot goudbruin aan die ander kant.
3. Bring intussen die water en asyn in ’n kastrol tot kookpunt. Draai die water met ’n lepel tot dit ’n draaikolk vorm. Breek een eier op ’n slag in die middel van die draaikolk. Kook tot die eierwit gestol en die geel gaar genoeg na jou smaak is. Dreineer op kombuispapier.
4. Blansjeer die aspersies vir sowat 2 min in ’n kastrol. Dreineer en pak op die rösti met die geposjeerde eier daarop. Sit voor.