Appel en rabarber krummelpoeding

Serves: 4 Nutrition facts: 200 calories 20 grams fat

Ingredients

350 g (1 bossie) rabarber, gewas en in 2 cm-stukke gesny
3 groen appels, geskil, klokhuise verwyder en in kwarte gesny
250 ml (1 k) strooisuiker
500 ml (2 k) bosbessiesap
Krummellaag
125 ml (½ k) hawermout
125 ml (½ k) bruismeel
100 ml gevlokte amandels, liggies gerooster
20 ml heuning
80 g botter, grof gerasper
Voorverhit die oond tot 180 °C.

Instructions

1 Verhit die rabarber, appels, strooisuiker en sap tot kookpunt oor matige hitte. Prut vir 10-15 min. tot die appels sag is, maar nog hul vorm behou.
2 Verwyder die appels en rabarber en hou eenkant. Kook die sap vir nog 15 min. of tot dit effens begin verdik. Gooi weer oor die appels en rabarber.
3 Skep in 4 bakkies met ’n inhoudsmaat van 250 ml (1 k). Skep die bakkies drie kwart vol.

Bolaag
4 Meng al die bestanddele, behalwe die botter in ’n middelslag-mengbak. Vryf die botter met jou vingerpunte in die meelmengsel in sodat dit soos growwe broodkrummels lyk. Hou in die yskas tot benodig.
5 Skep die krummellaag op die vrugte en bak vir 25-30 min. of tot die bolaag goudkleurig is.

appel rabarber poeding krummelpoeding recipes dessert

Rooi Rose

Lees Meer

Gebakte Carbonara

09/03/2026

Appelkluitjiepoeding

05/03/2026

Tradisionele melktert

27/02/2026

Appel en rabarber krummelpoeding