Basiese kragsoppe | rooi rose
Mon-Fri 09.00 - 17.00

Basiese kragsoppe

20/05/2024

~

Ons Suid-Afrikaners hou van lekker vleiserige kragsoppe of “broths”, soos die Engelse dit noem. Dié soppe val in ’n ander kategorie en word nie in ’n voedselverwerker fyn gemaak of deur ’n sif gesyg nie. Die basis van die sop is gewoonlik “sopgroente” met die byvoeging van rape (nie te veel nie), aartappels, tamaties en pietersieliestingels. Daar is meestal vleis in die sop wat saam met die groente in die sop opgedien word. Wees versigtig om dié soppe nie te sout te maak as jy aftrekselblokkies of -poeier in die plek van tuisgemaakte aftreksel gebruik nie.

Basiese kragsoppe Deur: Vickie de Beer. Foto deur: Neil Corder

 

Basiese kragsoppe

Serves: 6 Cooking Time: Nutrition facts: 200 calories 20 grams fat

Ingredients

  • Beesstertsop
  • genoeg vir 6
  • Ons het die sop met happiegrootte vetkoekies voorgesit. Dis net klein genoeg om al die vleissappe op te suig wat die sop nóg kragtiger maak. 
  • 750 gram beesstert, in stukke gesny
  • 5 ml (1 t) sout
  • 1,5 liter geurige aftreksel, gemaak volgens ons basiese resep, of 1 blokkie beesvleis-aftreksel aangemaak met 1,5 liter warm water
  • 1 liter water
  • 125 ml (½ k) klaargemengde sopmengsel soos gedroogde ertjies, gort of lensies.
  • 3-4 middelslagwortels, in blokkies gesny
  • 2-3 selderystingels, fyn gesny
  • 2-3 aartappels, in blokkies gesny
  • 2-3 middelslaguie
  • 1 lourierblaar
  • 1 knoffelhuisie, fyn gekap
  • 5-10 ml (1-2 t) sout
  • ’n hand vol gekapte pietersielie
  • ekstra sout en peper
  •  
  •  
  • My ma se kragtige groentesop
  • Ek het grootgeword met dié sop, dit vries uitstekend en is heerlik vullend en lekker. Supermarkte verkoop pakkies “sopgroente”, wees net versigtig vir te veel seldery en rape, want albei het sterk, oorheersende smake. Jy kan die vleis weglaat en groente-aftreksel gebruik. Ons het die sop in klein pampoentjies opgedien.
  • 3 stukke beesbors (brisket)
  • 3 stukke skenkels
  • 2 uie, gekap
  • 2 selderystingels of selderyblare
  • ’n halwe raap
  • 2 groot aartappels, geskil en gerasper
  • 2 groot tamaties, geskil en gerasper (skil deur die
  • tamaties in kookwater te
  • dompel, dreineer en trek
  • die velletjies af)
  • 2 groot uie, gerasper
  • 3-4 liter tuisgemaakte hoenderaftreksel, of 2 hoenderblokkies met 4 liter water aangemaak
  • ’n hand vol gekapte pietersielie
  • 2 hande vol macaroni (wat my ma uitskep sodra dit sag is en fynmaak voor sy dit teruggooi as verdikker)
  • 3-4 eetlepels tamatiepasta
  •  

Instructions

Beesstertsop

1 Voorverhit die oond tot 180 °C.
2 Geur die vleis liggies met sout en verbruin aan alle kante in ’n oondpan in die oond saam met 125 ml (½ k) aftreksel.
3 Skep die vet af en sit die vleis in ’n 3 liter-sopkastrol. Voeg die res van die aftreksel, die sopmengsel en groente by. Gooi die water by. Jy hoef aanvanklik nie al die water by te voeg nie, sorg net dat die vleis en groente bedek is. Geur met sout en peper.
4 Sit die deksel op en laat prut stadig vir sowat 2-3 uur of tot die vleis van die bene afval. Roer die pietersielie net voor opdiening by. Geur weer met sout en peper indien nodig.
5 Jy kan die vleis bene en al opskep, of die bene uithaal - die meeste behoort redelik skoon te wees. Trek die vleis andersins met ’n vurk los.

 

My ma se kragtige groentesop

1 Verbruin die vleis in ’n groot sopkastrol met ’n inhoudsmaat van sowat 6 liter.
2 Voeg al die groente en kruie, asook die tamatiepasta by.
3 Bedek met water en laat prut vir 3-4 uur.
4 Sit die vleis met die geurige, dik groente-aftreksel voor.

 



Anelle Tewson

Lees Meer

Gebakte Carbonara
09/03/2026
Appelkluitjiepoeding
05/03/2026
Tradisionele melktert
27/02/2026