Beenmurg-en-lensie-bredie. Deur Vickie de Beer. Foto’s deur Lee Schawagele van CRPhotographic.

Beenmurg-en-lensie-bredie

Genoeg vir 8

Beenmurg-en-lensiebredie

Ingredients

• 30 ml (2 e) olyfolie
• 2 uie, fyn gekap
• 4 knoffelhuisies, fyn gekap
• 2 wortels, gekap
• 2 selderystingels, gekap
• 5 ml (1 t) paprika
• 5 ml (1 t) komynsaad, fyn gemaal
• 5 ml (1 t) koljander, fyn gemaal
• 5 ml (1 t) kaneel
• 3 naeltjies
• 2,5 ml (½ t) neutmuskaat
• 2 kardemompeule, fyn gemaal
• 2 x 400 g heel geskilde tamaties
• 500 ml (2 k) witwyn
• 1 liter tuisgemaakte hoenderaftreksel
• 10 ml heuning
• 500 g groen lensies
• sout en gemaalde swartpeper
• 8 bene met murg in, vra die slagter om ’n paar in die lengte deur te sny vir die mooi

Instructions

1 Verhit die olyfolie in ’n groot kastrol oor matige hitte. Braai die uie vir 5 min. daarin, of tot sag.
2 Voeg die knoffel, wortel en seldery by. Braai vir nog 5 min.
3 Voeg die speserye by en braai vir 2 min.
4 Voeg die tamaties, witwyn, hoenderaftreksel, heuning en lensies by.
5 Bring tot kookpunt, verlaag die hitte en laat prut vir 45 min. of totdat die lensies sag is. Geur met sout en swartpeper.
6 Verhit intussen die oond tot 200 °C. Sit die bene op ’n pan en bak vir 30 min. of tot goudbruin.
7 Haal die murg uit die bene en roer in die lensie-bredie in.
8 Sit die bredie met die oopgesnyde beentjies voor.

Lees nog:

Hoender-en-sampioen-bredie met sagte kluitjies

chicken lensies vickie de beer herfskos beenmurg aandetes vir die week resepte bredie