Confit-soetpatat

Bestanddele

• 8 lang middelslagpatats, geskrop en in die lengte middeldeur gesny
• 60 ml olyfolie
• 8 lourierblare
• ’n hand vol tiemietakkies
• 300 g botter
• sout

Metode

Voorverhit die oond tot 180 °C.

1. Verhit die olie in ’n middelslag-pan en braai die patats daarin tot goudbruin alkant.
2. Geur met sout.
3. Skep uit en sit in ’n oondpan, laat effens afkoel.
4. Sny ’n keep in die lengte van elke patat en druk 2 lourierblare en ’n paar tiemie-takkies daarin.
5. Skep die botter in die pan en bedek met foelie.
6. Bak vir 30 min. of tot sag en gaar. Sit warm met die lamsvleis voor.