Eenpotmaalvleisgereg in ’n kits!

Resepte, stilering en fotografie: Marlo Kitshoff-Carstens.

4 porsies.

Bestanddele

• bietjie olie
• 1 ui, gekap
• 5 ml (1 t) vars gekapte knoffel
• 2,5 ml (½ t) droë pietersielie
• 500 g beesmaalvleis
• 43 g (1 pakkie) potato bake (garlic and herb – Knorr)
• 2,5 ml (½ t) sout
• knypie swartpeper
• 500 ml (2 k) kookwater
• 437 ml (1¾ k) volroommelk
• 500 ml (2 k) rou skulppasta

Metode

1. Verhit bietjie olie en braai ui, knoffel en pietersielie saam tot uie gaar is.  
2. Voeg maalvleis by en braai tot effe bruin. Roer met vurk sodat maalvleis los van mekaar is. 
3. Roer potato bake, sout en peper by.
4. Voeg kookwater en melk by. Roer tot gemeng. 
5. Roer pasta by. Laat prut oor matige      hitte vir 25 minute sonder kastrol se deksel. Roer af en toe. 
6. Wanneer tyd verstreke is, plaas deksel van kastrol bo-op en laat 10 minute op stoofplaat staan voor opdiening. 

WENK: Jy kan enige pasta gebruik!

Lees ook: Maklike kaassoufflés