Mexikaanse eiergebak

Mexikaanse eiergebak. Resep deur Vickie de Beer

Genoeg vir 6.

Metode

1. Gebruik 1 kg (2 sakkies), basiese maalvleismengsel, ontvries.
2. Meng 15 ml (1 e) rooipeper, 5 ml (1 t) gekapte knoffel, 1 ml rooi brandrissievlokkies, 5 ml (1 t) droe orego, 7,5 (1 . t) paprika en 7,5 ml (1 . t) fyn komyn by.
3. Geur met sout en peper.
4. Werk met klam palms en rol die maalvleismengsel in handpalmgrootte balle.
5. Verhit 30 ml (2 e) olyfolie in ’n pan en braai die frikkadelle oor matige hitte tot goudbruin alkant.
6. Sit in ’n oondbak en gooi 2 x 410 g-blikke Mexikaans gegeurde tamatie oor.
7. Maak 6 holtes tussen die frikkadelle en breek ’n eier in elke holte.
8. Bak in ’n voorverhitte oond by 160 °C vir 15-20 min. of tot gaar na jou voorkeur.
9. Sit die eiergebak voor met nacho-skyfies, fyn gedrukte avokado, lemmetjiewiggies en vars koljander.