Geroosterde soetrissie-kersietamatie-en-mozzarella-slaai

Instructions

Voorverhit die oond tot 200 °C.

1. Sny die soetrissies middeldeur en verwyder al die pitjies en wit vliesies, sny in kwarte. Pak dit op ’n groot oondpan, sprinkel die helfte van die olyfolie oor en geur met sout en peper. Rooster in die oond tot sag.
2. Haal die soetrissies uit die oond en laat afkoel. Pak op ’n mooi dienbord uit en strooi die mozzarella oor die soetrissies, gevolg deur die tamaties en basiliekruidblare.
3. Geur met sout en peper en giet die oorblywende olyfolie oor. Meng effens deur en sit voor.