Geurige tamatie-en-wors-gebak

Geurige tamatie-en-wors-gebak. Resep deur Vickie de Beer

Genoeg vir 6

Bestanddele

• 1 kg boerewors, knyp dit af en vorm kleiner worsies, bind dit met ’n toutjie as jy wil
• 1 ui en 2 knoffelhuisies, fyn gekap
• 80 ml (¾ k) witwyn
• 1 x 410 geblikkie heel, geskilde tamaties
• 3 soetrissies, pitte verwyder en in repe gesny
• 300 g rosa-tamaties
• 200 g fetakaas, gedreineer en ruweg gekrummel
• hand vol oregoblaartjies
• ½ ciabatta-brood in stukke geskeur
• 30 ml (2 e) olyfolie
• sout en gemaalde swartpeper

Metode

1. Voorverhit die oond tot 200 °C.
2. Verhit die helfte van die olyf-olie in ’n pan. Braai die ui en knoffel vir 3 min. daarin tot sag. Voeg die witwyn by en prut vir 2 min. tot die vloeistof verdamp het. Voeg die tamatie en orego by. Verlaag die hitte en prut vir 10 min. tot die sous verdik. Geur met sout en peper.
3. Skep die sous in ’n oondbak en sit die soetrissie bo-op. Breek die fetakaas ruweg oor die sous en sit die wors bo-op. Bak oop vir 25 min.
4. Haal die bak uit en strooi die ciabattastukke bo-oor. Bak vir nog 20 min. tot die brood goudkleurig is. Eet net so of sit met pap of polenta voor.

Lees ook:

Geurige worsies met sampioene en lensies

RESEP: Heerlike Laekoolhidraat Worsrolletjies