Griekse hoender-en-rys-gebak

Genoeg vir 6

Bestanddele

• 300 g gewone wit rys
• 750 ml (3 k) goeie hoenderaftreksel
• 8 hoenderdytjies
• 3 knoffelhuisies, gekneus en fyn gekap
• ’n paar tiemietakkies
• ’n paar oregotakkies
• 2 suurlemoene, in kwarte gesny
• 250 g broccoli, in blommetjies gesny
• 100 g swart olywe, ontpit
• 100 g fetakaas, gekrummel
• 30 ml (2 e) olyfolie
• 45 ml (3 e) heuning

Metode

Voorverhit die oond tot 180 °C.

1. Gooi die rys in ’n groot oondpan en voeg die hoender-aftreksel by. Geur die hoender-dytjies met sout en gemaalde swartpeper.
2. Sit die hoender op die rys en voeg die knoffel-huisies, tiemie, orego en suurlemoene by.
3. Bedek met foelie en bak vir 45 min. of tot die rys gaar is. Voeg die broccoli na 30 minute by die hoender gereg en bedek weer met die foelie.
4. Verhoog die hitte tot 200 °C en haal die foelie af. Pak die olywe, fetakaas en broccoli op die rys tussen die hoenderstukke in.
5. Verf die hoender met olie en heuning en bak vir 15-20 min. of tot die hoender goudkleurig is.