Indiese varkkerrie | rooi rose
Mon-Fri 09.00 - 17.00

Indiese varkkerrie

07/08/2023

~

Die Indiërs het eens nie juis varkvleis geëet nie, maar die invloed van die Britte in die koloniale tydperk het varkvleis gewilder gemaak. Hoewel die kerrie uit Indië afkomstig is, dui dit ook op die invloed wat die Britte op ons kosherkoms gehad het.

Indiese varkkerrie deur Vickie de Beer, bygestaan deur Inemarie Rabie. Foto: Charles Russell

 

Indiese varkkerrie

Serves: 6 Nutrition facts: 200 calories 20 grams fat

Ingredients

  • • 8 ribfilette (ribeye steaks) of varktjops
  • • 5 ml (1 t) sout
  • • 5 ml (1 t) rooi brandrissiepoeier
  • • 15 ml (1 e) olyfolie
  •  
  • Masala
  • • 5 ml (1 t) brandrissiepoeier
  • • 5 ml (1 t) borrie
  • • 3 cm vars gemmer, geskil en gerasper
  • • 3 knoffelhuisies, fyngekap
  • • 1 x 400 g-blikkie heel, geskilde tamaties, fyngedruk in die sous
  • • 30 ml (2 e) olyfolie
  • • 2,5 ml (½ t) fenegrieksaadjies
  • • 20 vars kerrieblare
  • • 2 groot uie, geskil en fyngekap
  • • 5 ml (1 t) sout
  • • 5 ml (1 t) bruinsuiker
  • • 250 ml (1 k) water
  •  

Instructions

1 Geur die varktjops of steaks met sout en sprinkel die brandrissiepoeier bo-oor. Vryf dit met jou vingers in.

2 Verhit die olie in ’n middelslagpan en braai die vleis daarin tot alkant goudkleurig. Haal uit en hou eenkant.

 

Masala

1 Meng die brandrissiepoeier, borrie, gemmer, knoffel en tamaties in ’n middelslagbak.

2 Verhit die 30 ml olyfolie in dieselfde pan en braai die fenegriek vir 2 min. daarin. Wanneer die saadjies begin bruin word, kan die kerrieblare en uie bygevoeg word. Braai tot sag en goudkleurig. Voeg die tamatiemengsel by die uie in die pan. Laat prut vir 10 min.

3 Geur met sout en bruinsuiker. Sit die vleis terug in die sous en skep die sous oor die vleis sodat dit goed bedek is. Voeg die water by en roer deur.

4 Verlaag die hitte en laat prut saggies vir 1 uur. Draai die vleis gereeld om. Sit die kerrie met die brosgebraaide spesery-aartappels voor.

 

 



Zoe Salzwedel

Lees Meer

Gebakte Carbonara
09/03/2026
Appelkluitjiepoeding
05/03/2026
Tradisionele melktert
27/02/2026