Karlien van Jaarsveld se seuntjie is gebore!

Karlien van Jaarsveld se seuntjie is gebore! deur Ilse Salzwedel

Karlien van Jaarsveld se seuntjie is gebore!

Baie geluk Karlien van Jaarsveld en Joe Breytenbach met die geboorte van Johannes Samuel!

“Dankie Here, hierdie is regtig ’n voorreg vir my.”

Só het die gewilde sangeres Karlien van Jaarsveld vanoggend op Instagram geskryf oor die geboorte van haar seuntjie, Johannes Samuel, op 1 April 2020.

“En dis nie ’n April Fool’s nie,” het sy geskerts.

Karlien het ook geskryf hoe opgewonde sy is dat die kleinding saam met haar huis toe kan gaan.

“Ek dink net mammas wat al prem babas in hospitale moes agterlaat, en leë arms huis toe gaan, sal kan verstaan watse joy en massiewe voorreg hierdie is (sic).”

 

View this post on Instagram

 

Johannes Samuel is gebore 1 April 2020, op 37 weke, en dis nie ‘n april fools nie? HY IS PERFEK, GESOND! Vandag is die 3 de dag en hy KOM SAAM MY HUISTOE!!! Ek dink net mammas wat al prem babas in hospitale moes agterlaat, en leë arms huistoe gaan, sal kan verstaan watse joy en massiewe voorreg hierdie is! God is altyd genadig en goed, maak nie saak of my baba in die hospitaal agterbly, en of ek hom saam my kan huistoe vat nie. Hy bly steeds goed. Wat ek geleer het deur die verskeie ervarings, is dat wanneer my baba in die hospitaal agterbly, is Hy steeds God wat goed is, en nie ewe skielik die duiwel wat kom steel nie. Ek bly dan altydeur in Sy hand, hoe kan iemand iets uit Sy hand kom steel sonder dat Hy dit toelaat? Mens moet Hom net kan raaksien en leer ken in hoe AL Sy goedheid lyk, en nie net in dit wat vir MY na Sy goedheid lyk nie. My verstaan is te klein. Dankie Here hierdie is regtig ‘n voorreg vir my, ek sê in nederigheid vir U dankie dat ek hierdie mag beleef vandag. Aan U al die eer, vandag en in alles?? Dankie ook aan die Liggaam wat saam gebid het en dat julle gebede saam my verhoor is❤️ Liefde Veilig oppad huistoe in sy @noolababy karstoeltjie ?

A post shared by Karlien (@karlienvanjaarsveld) on Apr 3, 2020 at 2:28am PDT

Karlien het die nuus oor haar vyfde swangerskap – sy het ’n miskraam op 19 weke gehad met ’n dogtertjie, Evah – heel eerste met rooi rose gedeel in ’n podsending-gesprek met Ilse Salzwedel waarin sy ook haar hart oopgemaak het oor moederskap.

Luister gerus hier – dis gratis.