Hoekom hou ons van kasjmier?
Kasjmier laat jou altyd elegant en stylvol lyk. Die materiaal voel ongelooflik teen jou vel en omdat die natuurlike vesels temperatuurreguleerders is, veroorsaak dit nie irritasie nie. Die eindresultaat: jy gaan met baie selfvertroue en ’n positiewe gesindheid rondloop.
Ken die verskil
’n Goedkoper kasjmiertrui bestaan gewoonlik uit ’n kombinasie van kasjmier en wol, maar ’n 100%-kasjmiertrui sal so aangedui word op die etiket en daar sal ’n prysverskil wees. Kasjmiertruie verloor ook nie hul vorm nie, waar ‘goedkoper’ truie geneig is om uit te rek. Wees op die uitkyk vir oorspronklike en egte kasjmier-eienskappe.
Verskillende style & snitte
• Klassieke v-nek kasjmiertrui
Die klassieke v-nek, saam met ’n wit, noupassende denimbroek en ’n dun, swart beltjie het ’n neutrale, sag-op-die-oog-voorkoms maar dan kikker ons dit op met silwer platform wighakskoene! Kleure soos wit, swart en grys is tydloos en elegant. Die algehele voorkoms is eenvoudig, dog styvol.
Grys kasjmiertrui (R1 299; XXS-XXL) Trenery. Taryn denim belt (R399; SM-ML) Witchery. Wit verslankende denim (R350; 8-22) Woolworths. Silwer wighakke (R400) Sissy Boy.
• Geriffelde kasjmiertrui
Die roomkleur en “over-sized” gevoel van dié kasjmiertrui komplimenteer mekaar goed. Die kleur gee ’n baie gemaklike gevoel en voorkoms. Oor die algemeen is dit ’n gewone ‘elke-dag’ styl, maar die roosgoud horlosie verhelder die algehele voorkoms.
Roomkleur kasjmiertrui (R3 149) Mango. Ligte blou denim (R299; 6-18) RE:Denim. Wit tekkies (R749) Superga. Roosgoud Michael Kors-horlosie (R4 999) American Swiss.
• “Shrug” kasjmiertrui
Die “shrug”-trui kom alleedaags voor, maar is terselfdertyd gesofistikeerd. Trek ’n styfpassende hemp onderaan omdat die trui reeds los pas.
Grys “Shrug” trui (R999) Poetry. Geskeurde denim (R450; 6-18) RE:Denim. Karamel-stewels (R1499) Trenery. Wit langmouhemp (R299; XXS-XL) H&M. Botaniese gedrukte serp (R225) Old Khaki.
Lees Meer
