Meer oor Korreltjie Kantel
Drie onverwagse musiekgroepe kom bymekaar om Ingrid Jonker se liefdesgedigte te verwerk en opnuut weer te gee. Hierdie gedigte word verweef met musikale vertolkings van André P Brink en Ingrid Jonker se liefdesbriewe aan mekaar in die sestigerjare. ’n Hartroerende en intieme weergee van verlange, verbondenheid, vernietiging en die vreeslose verrukking van die liefde.
Na ’n suksesvolle debuut op RSG se Radio Kunstefees en optredes by Woordfees en KKNK in 2016, word die musiekteaterproduksie Korreltjie Kantel, verder verwerk vir die verhoog. RSG en Illuminar Produksies span hul kragte saam vir die opname en bekendstelling van dié nuut-verwerkte Korreltjie Kantel in 2017.
Die CD word ekskulsief op RSG vrygestel, waarna dit gevolg sal word deur ’n landwye toer.
Besonderhede
• Wat: Korreltjie Kantel CD bekendstelling
• Waar: Die Boer (Chenoweth Street, Durbanville)
• Kaartjies: R130
• Besprekings: 021 979 1911
• Deure open om 18h30 en die optrede begin om 20h30.
Lees Meer
