Korslose hamquiches

Korslose hamquiches deur Vickie de Beer. Foto: Craig Fraser

Genoeg vir 12 hamquiches.

Bestanddele

• 12 skywe plaasham (country ham) of gypsy-ham
• 100 g kersietamaties, middeldeur gesny
• 100 g (250 ml) gerasperde cheddarkaas
• 2 klein murgpampoentjies, gerasper
• 3 eiers
• 375 ml (1½ k) room
• ’n hand vol pietersielie
• sout en gemaalde swartpeper

Metode

Voorverhit die oond tot 180 °C.

1. Voer ’n muffinpan met 12 holtes met die hamskywe uit.
2. Verdeel die kersietamaties, kaas en murgpampoentjies tussen die muffinholtes.
3. Klits die eiers, room en pietersielie saam. Geur met sout en gemaalde swartpeper.
4. Verdeel in gelyke dele in al die holtes.
5. Bak vir 20-25 min. of tot goudbruin en opgepof. Hou tot 4 dae in die yskas.

Per 100 gram:

• energie 169 kal.
• proteïen 9 g
• vet 15 g
• koolhidrate 2 g
• allergene: suiwel, eier