Lizz Meiring, wat vanjaar haar 33ste jaar in die vermaaklikheidsbedryf vier, gaan spesiaal ’n Kaapse draai maak. Kapenaars kan uitsien na ’n splinternuwe, verrassende vertoning met die klem op top klas vermaak. Met Ander Woorde is ’n versameling sketse, stories en vertellings uit die pen van die aweregse, eiesoortige Lizz Meiring wie met haar liefde vir woorde en woordspelings die woorde uiter wat ons soms lomperig kwytraak om ons eie en ander se menslikheid te verstaan. Daar’s komiese inhoud, meer ernstige temas en als tussenin, want soos Lizz altyd sê, is “lag en huil, ironie, satire en patos mos maar ’n mespunt fyn van mekaar.”
Lizz vertel in die stuk ook grepe uit haar eie lewe en loopbaan – die lastige ongemaklikhede van kunstenaar wees, en die triomfantlike ontsnapping van kreatiwiteit.
Besonderhede
Tydsduur: 60min
Kaartjieprys: R120 (beskikbaar direk by die teater)
Toerdatums:
• 28 Febuarie 2017: Stellenbosch Drostdy Teater. Besprekings: 087 943 2459 / info@drostdyteater.co.za
• 1 Maart 2017: Paarl OU Meul Teater. Besprekings: 082 464 2883 / michelle@oumeulteater.co.za
