Margaret se Wêreld: Die mooiste vrou in die wêreld – en ek deur Margaret Gardiner
Sommige dae word jy wakker en jy wil nie uit die bed opstaan nie. Almal weet hoe ek die roetine voor die spieël haat. Die grimering. Die hare. (Veral die hare. Ek begin nou eers daaraan aandag skenk. ’n Mens kan op foto’s sien watter dae was ek nie lus om uit die bed op te staan nie.) Maar daar is altyd sterre wat jy weet belangrik is vir jou kliënte, dus word jy gedwing om iets aan jou gesig te smeer en jou hare te stileer.
Lees ook: Margaret se Wêreld: My oggendroetine
Op 23 September was dit presies ’n maand sedert ek my operasie gehad het om ’n aggressiewe kankergewas van my neus te verwyder en dit het ’n gat van 7 mm gelaat wat toegemaak moes word.
Lees ook: Margaret se ope brief oor die kankergewas op haar neus
Margaret se Wêreld: Die operasie
Dit was omtrent tien dae na ek na Toronto gevlieg het om onderhoude vir kliënte te doen en ek het ’n dag later teruggevlieg.
Elke dag het nuwe emosionele uitdagings gehad en ek was steeds besig om aan te pas. My fisieke voorkoms was die laaste ding in my gedagtes.
Lees ook: Ons het almal sulke dae
Ek het ’n Sondagoggend wakker geword met die gedagte om dinge stadiger te probeer neem. Ek het my kalender nagegaan en die naam Dakota Johnson het uitgespring.
Ek het 30 minute gehad om die afspraak na te kom. Ek het in die stort gespring, helderrooi lipstiffie aangesit, my hare gevleg en ek is by die deur uit. By die verkeerslig het ek iets aan my oë gesmeer. Um. Die resultaat is die onderstaande foto. Kom ons wees eerlik. Soms moet jy meer as 10 minute neem, of ten minste na jouself in ’n spieël kyk voordat jy langs een van die mooiste 29-jariges in die wêreld gaan sit!
Margaret en Dakota Johnson. Foto: Magnus Sundholm vir die HFPA.
Lees ook: Margaret se Wêreld: Omhels wie jy is
Ek was vies vir myself. Maar raai wat, mense? Ek is trots op myself dat ek dit tot by die perskonferensie gemaak het. Ja, ek moes daardie los sliert hare wat agter my oor losgekom het, ingesteek het. En ja, ek het soos ’n 59 jarige gelyk. Maar weet jy wat? EK IS 59 JAAR OUD.
So, geluk aan myself dat ek dit so ver in my lewe te maak het en steeds pret het en geïnspireerd is deur hierdie jonger generasie vroue vir wie Dakota Johnson verteenwoordig.
Die resep van die lewe is om pret te hê, selfs al is jy moeg … en om te omhels wie jy is. Wel, dit is my resep, en dit werk vir my. So ek lyk nie altyd so goed nie, maar dit gaan oor hoe ek voel en wat ek sê en sommige dae lyk ek beter en sommige dae lyk ek erger, maar die glimlag van die lewe is ’n keuse en ek werk aan die glimlagte.
Lees Margaret se onderhoud met Dakota Johnson: Klik hier
Volg gerus Margaret se blog vir rooi rose waar sy ons vertel oor haar interessante en besige lewe. Jy kan haar ook volg op Instagram, facebook, twitter en haar YouTube-kanaal waar sy met bekendes gesels.
Lees Meer
