Meghan in Afrika: 6 uitrustings wat jy ook kan dra

6 uitrustings wat jy ook kan dra deur Bea Lingenfelder  Hooffoto: Greatstock / Shutterstock

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Afrika is in rep en roer sedert dié koninklike paartjie hul Afrika-toer begin het. Die Britse Hertog en Hertogin van Sussex, Harry en Meghan, het met ’n Kaapse draai afgeskop (waar kleine Archie selfs ’n klapsoen van ons eie Arch, emeritus-aartsbiskop Desmond Tutu, gekry het).

'); googletag.cmd.push(function() { googletag.display('dfp-300x250-2'); }); document.write(''); }

Lees ook: Archie ontmoet die Arch

'); googletag.cmd.push(function() { googletag.display('dfp-300x250-3'); }); document.write(''); }

Meghan en skoonsus Catherine se style word graag bekyk in die mode-media. Meghan was nog nooit een vir frille en valle nie, en haar minimalistiese styl is deurlopend tydens haar en manlief Harry se Afrika-toer te sien. Hoewel daar tog ’n mate van kleredrag-riglyne gevolg moet word, kry Meghan dit keer op keer reg om beeldskoon te lyk.

1. Haar kenmerkende informele styl

Voor Meghan die koninklike ring aan haar vinger gedra het, is sy dikwels gekiek in ’n gemaklike denim en bloes. Sy het tydens haar besoek aan die Waves For Change-organisasie in Kaapstad teruggekeer na haar informele styl met ’n neutrale kleurpalet.

Dra dit so:

2. Omhels kleur

Kleur in volle glorie maak altyd ’n indruk. ’n Toeknooprok met ’n uitkloksoom is ’n gewilde styl onder die koninklikes, maar hier hou Meghan dit modern met ‘n hemprok – die vloeiende suster van die koninklike A-snit styl. Dis vleiend, vroulik en kan vinnig van dag tot aand aangepas word.

Meghan rond dit af met ’n gemaklike Espadrille-styl skoen wat ook ’n groot gier vir die naderende somer is.

Dra dit so:

3. Sê ja vir Safari-inspirasie

Hoewel Meghan dié ontwerp deur Martin Grant reeds tydens haar en Harry se vorige toer in Australië gedra het, hou ons van haar herwinbare aanslag op uitrustings en hoe om dit te vernuwe. Sy het hier ’n Suid-Afrikaanse element bygevoeg deur oorringe van Nina Bosch te dra.

Dra dit so:

4. Swart bly sjiek

’n Gepaste swart nommertjie is ’n moet-hê item. Dit kan op veelsydige maniere stileer word wat jou elke keer ’n ander voorkoms gee.

Meghan hou by haar minimalistiese styl met ’n monochromatiese uitrusting en klassieke voorkoms.

Dra dit so:

5. Die perfekte patroonrok

Rokke met patrone ontlok gemengde gevoelens – sommige mense dink dis outyds, maar ander kan weer nie daarsonder nie. Die geheim lê egter in die styl en snit wat jy in gedagte moet hou wanneer jy ’n patroonrok wil baasraak.

#rrWenk: Hou die silhoeët modern en die neklyn vleiend – jy kan nooit verkeerd gaan met die Vroulike V-neklyn nie. Kies ook eerder ’n midi-snit wat bo jou enkels eindig.

Dra dit so:

6. Lyk mooi in ’n modieuse romp

Meghan is lief vir swart uitrustings juis as gevolg van die klassieke element, maar ons hou van hoe sy hierdie voorkoms met ’n unieke romp stileer het. Dit gee nuwe lewe aan ’n veilige kleurpalet en ons moedig jou selfs aan om ’n tikkie kleur in te bring.

#rrWenk: Gekleurde skoene is groot nuus en ’n maklike manier om jou voorkoms op te helder.

Dra dit so: