My hartjie-my-liefie-tertjies

My hartjie-my-liefie-tertjies deur Vickie de Beer; assistente Margie Els, Michéle Stander en Melissa Pecoraro; foto’s Johan Wilke

Genoeg vir 12 tertjies.

Bestanddele

• 110 ml (1⁄3 k + 2 e) botter
• 125 ml (½ k) strooisuiker
• 1 eier
• 250 ml (1 k) koekmeel

Sjokoladevulsel

• 300 g (3 blokke) donkersjokolade
• 200 ml (¾ k +1 e + 1 t) botter
• 2 eiers + 2 eiergele
• 80 ml (1⁄3 k) strooisuiker
• kakaopoeier om bo-oor te strooi

Metode

1. Meng die botter en suiker met ’n elektriese klitser. Klop die eier by terwyl jy aanhou klits.
2. Voeg die meel by tot ’n deeg vorm. Verkoel in die yskas vir 1 uur.
3. Voorverhit die oond tot 180 °C.
4. Spuit 8 hartjiepannetjies van 9 cm x 9 cm met kleefwerende kossproei.
5. Rol die deeg uit en voer die pannetjies daarmee uit. Verkoel in die yskas vir 30 min.
6. Bak vir 20 min. tot gaar.

Vulsel

1. Smelt die sjokolade en botter saam in ‘n dubbelkoker, of op die ontvriesstelling in die mikrogolf, roer elke 40 sek.
2. Klop die eiers, eiergele en suiker met ’n elektriese klitser.
3. Vou 1⁄3 van die eiermengsel by die gesmelte sjokolade in. Vou die sjokolade by die res van die eiermengsel in tot deurgemeng.
4. Verlaag die oondtemperatuur tot 170 °C. Gooi die sjokolademengsel in die tertdoppies en bak vir 10 min.
5. Laat by kamertemperatuur in die pannetjies stol. As die tertjies nog sag is, sit dit in die yskas vir ’n paar min. Sif die kakao oor en smul.