Genoeg vir 5 stafies.
Bestanddele
- 2 velle ryspapier
- 125 ml (½ k) heuning
- 290 g (1 ¹⁄³ k) strooisuiker
- 30 ml (2 e) water
- 2 eierwitte
- 250 ml (1 k) pistasieneute, afgedop
- 250 ml (1 k) gedroogde
- bosbessies
Metode
Spuit ’n 15 cm- vierkantige koekpan met kleefwerende kossproei. Sny die ryspapier so groot soos die pannetjie.
- Meng die heuning, suiker en water in ’n kastrolletjie.
- Roer oor matige hitte tot die suiker opgelos is. (Moenie dat die stroop kook voor die suiker nie heeltemal opgelos is nie.)
- Kook die stroop vir sowat 10 min. (maar moenie roer nie) of tot dit die hardekraak-stadium (164 ˚C) op ’n suikertermometer bereik.
- Klits die eierwitte in ’n hittebestande bak. Voeg die stroop geleidelik by die eierwitte terwyl jy deurentyd klits.
- Klits tot die mengsel dik en blink is.
- Roer die pistasieneute en bosbessies by.
- Skep die mengsel vinnig in die voorbereide koekpan. Sprei uit oor die hele pan. Sit die tweede stuk ryspapier bo-op.
- Laat staan vir sowat 2 uur.
- Doop jou mes in versiersuiker of mielieblom en sny in ewe groot stafies.
Kookkunsie
Sodra die neute en bessies ingeroer is, moet jy dit dadelik in die pan skep en uitsprei, want dit set baie vinnig.
