Raar kultivars by Kirstenbosch-proe vertoon

Deur Maryke Roberts. Foto’s: Clifford Roberts

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Die wynwinkel, Wine Concepts se takke, het Donderdagaand hul 5de jaarlikse Grape Escape-wynfees by Moyo Restaurant by Kirstenbosch aangebied en wat ‘n feestelike geleentheid was dit nie! Na die sukses van vorige feeste, was vanjaar se geleentheid weer ‘n eksklusiewe aand van uitsonderlike wynproeë. Die fees het ‘n opwindende en diverse keuse van wyne van ongewone variëteite en versnitte gehad, insluitend Cinsault, Albariño, Mourvèdre, Grüner Veltliner, Sangiovese, Nebbiolo, Barbera, Chenin Blanc-gedrewe versnitte, sowel as Rhône-variëteite soos Viognier, Roussanne, Syrah en Grenache.

'); googletag.cmd.push(function() { googletag.display('dfp-300x250-3'); }); document.write(''); }

Dit was ‘n regte Kaapse winteraand en die kaggel het gesellig geknetter, terwyl wynliefhebbers kon skouer skuur met wynmakers en druifprodusente van regoor die land se wynstreke.

Peuselhappies is tussendeur bedien om die wyne op hul beste te laat vertoon. Gaste kon hul gunsteling wyne op die aand bestel en ook al hul wynvrae oor dié raar variëteite vra.

Die 40 deelnemende wynplase was Alinea Wines, Arbeidsgenot, Brookdale, Bruce Jack/Drift Estate Wines, Cape Town Wine Hub, Carinus Family, Darling Cellars, De Krans, Donkiesbaai, Dornier, Fairview, Fledge and Co/Boplaas, Fram, Iona, Jasper Raats, Journeys End, Keermont, Kleine Zalze, La Bri, La Petite Ferme, Lowerland, Lynx, Migliarina, Mont Rochelle, Morgenster Wines, Nativo Wine Farm, Painted Wolf Wines, Post House, Riebeek Raar, Roodekrantz, Saltare, Sijnn, Sophie Germanier, Springfield, Strandveld Wines, Tierhoek Wines, Torero Wine Co, Vinevenom, Waterkloof, Welgegund Heritage Wines en Wildeberg. Altesaam 136 verskillende wyne – enkel-kultivars en interessante versnitte – van die 2017-2025 oesjare is tydens die fees te proe aangebied.

Michael Bampfield-Duggan, eienaar van wineconcepts se Nuweland-tak, sê die Grape Escape-wynfees is die enigste fees van sy soort, waarvan hulle weet wat ‘n verskeidenheid ongewone wynvariëteite bied vir wyn-entoesiaste om te verken en te proe (en buite die norm te speel!).

“Ons het dit geskep sodat ons hierdie relatief onbekende variëteite aan die wynverbruiker kan blootstel. Gaste wat dit bygewoon het, was verheug om wyne te ervaar wat hulle nog nooit voorheen oorweeg het om te proe of selfs te koop nie en sien nou daarna uit om dit in die toekoms meer te geniet. Ons span by ons Wine Concepts-winkels gaan voort om klante aan te moedig om iets anders te probeer, wat dikwels daartoe lei dat die klant terugkeer en ander ongewone variëteite wil probeer.”

Lees ook: La Dolce Vita roep: Stanley Tucci oor sy nuwe Nat Geo-reisreeks