Verhit die helfte van die olie in ’n groot pan. Soteer die uie en knoffel oor matige hitte daarin tot sag en deursigtig. Skep uit in ’n groot, diep oondpan.
Verhit die res van die olie en verbruin al die gemaalde vleis klompiesklompies oor hoë hitte. Geur met sout en peper. Skep in die oondpan.
Braai die spek en lewertjies in dieselfde pan. Voeg by die maalvleis.
Voeg die res van die bestanddele, behalwe die basiliekruidblare, by en geur na smaak. Verhit oor matige hitte tot die sous begin prut.
Bedek die oondpan met foelie en bak stadig vir sowat 3 uur. Roer deur en bak sonder foelie vir nog ’n uur indien te souserig.
Roer die basiliekruidblare net voor opdiening deur.
