Redakteursbrief

Mooiweer & warm

'); googletag.cmd.push(function() { googletag.display('dfp-300x250-1'); }); document.write(''); }

Ek was weer onlangs wonderlik bevoorreg om tyd in die natuur deur te bring waar ons tussen wild kon rondluier en ons aan hulle vergaap, sommer op kort afstand rondom die voertuig. Niks laat my so ontspan soos ’n rustige wildrit waartydens ek net die natuur kan indrink en uitkyk vir besonderse diere, plante en voëls tussen bome, koppies en kranse nie.

'); googletag.cmd.push(function() { googletag.display('dfp-300x250-6'); }); document.write(''); }

Noudat die somer ons vanjaar eintlik onverhoeds oorval het en dit skielik sommer bloedig warm is, blykbaar die doen en late van daardie Spaanse kalante el Niño/la Niña, besef ek weer ons waardeer nie altyd die sonskyn wat ons Suid-Afrikaners te beurt val nie.

'); googletag.cmd.push(function() { googletag.display('dfp-300x250-2'); }); document.write(''); }

Ek besef as ek daar is dat Europa met sy ouer kulture ’n sekere lewenstyl verteenwoordig waarna ek hunker, en dis ’n heerlike avontuur om daar rond te reis en die geskiedenis in te adem.

Daar beleef jy ook hoedat die mense die kuns en kultuur verhef en bewaar en dit deel van hul lewe maak. Ek besef ook dan dat die moderne Europeër hom skaars kan indink hoedat ons in jonger en minder ontwikkelde lande die mas opkom. Die meeste van ons daaglikse uitdagings soos minder goeie pos- en munisipale stelsels is vir hulle heeltemal ondenkbaar.

'); googletag.cmd.push(function() { googletag.display('dfp-300x250-3'); }); document.write(''); }

Maar as ek soos nou weer bevoorreg was om in die natuur te kom, dan besef ek weer hulle het eintlik rede om ons te beny vir die dinge wat ons as vanselfsprekend aanvaar. Ons Suid-Afrikaners kry mos nog sulke goue geleenthede om die natuur in al sy glorie te ervaar. Ons raak eintlik blasé oor ons sprankelende somerdae en daarmee saam die geleentheid vir ’n gesonder buitelewe-kultuur: grasperke en ruimtes waar ons kaalvoet kan baljaar, swembaddens en koeltebome, gesellige kuiers om braaivleisvure en klinkende ysblokkies in lang glase …

As ons tog net ’n goeie outydse donderbui of twee daarmee saam kan kry, met die geur van nat veld en bossies in ons neusgate, is ons beker boordensvol genade!

Geniet van die mooi en die goed …
Tot volgende maand!

Martie Pansegrouw, redakteur