840 g (6 k) koekmeel
20 ml (4 t) bakpoeier
2,5 ml (1/2 t) sout
5 ml (1 t) fyn kaneel
5 ml (1 t) fyn naeltjies
5 ml (1 t) fyn neutmuskaat
450 g botter
375 ml (11/2 k) suiker
10 ml (2 t) vanieljegeursel
4 eiers
Voorverhit die oond tot 180 °C.
1 Sif die meel, bakpoeier, sout en speserye saam in ’n groot mengbak.
2 Room die botter, suiker en vanieljegeursel saam tot lig en romerig. Klits die eiers liggies en voeg by die bottermengsel. Meng goed.
3 Voeg die bottermengsel by die meelmengsel. As die deeg te styf is, kan jy ’n bietjie melk byvoeg om dit meer hanteerbaar te maak.
4 Bedek met kleefplastiek en laat rus vir 20 min. in die yskas. Rol die deeg op ’n meelbestrooide werkvlak uit en druk met ’n koekiedrukker uit. Bak vir 10-12 min. tot goudbruin en bêre in ’n digsluitende houer.
