Suurlemoen-meringue-‘eiers’ deur Vickie de Beer. Foto: Lee Schwagele, CRPhotographic

Suurlemoen meringue‘eiers’

Serves: 6 Nutrition facts: 200 calories 20 grams fat

Ingredients

6 wit eiers, bokante afgesny en die inhoud in ’n bakkie gegooi. Was die doppe deeglik uit met soutwater en laat droog word. Sit terug in die eierboksie
115 g botter
125 ml (½ k) suiker
125 ml (½ k) suurlemoensap
gerasperde skil van 2 suurlemoene
6 eiergele
Meringue
2 eierwitte
100 g suiker

Instructions

1 Smelt die botter oor lae hitte in ’n middelslagkastrol. Trek van die hitte af.

2 Voeg die suiker, suurlemoensap en -skil en eiergele by die botter in die kastrol.

3 Roer deurentyd oor lae hitte totdat die mengsel begin verdik. Trek van die hitte af en laat afkoel.

4 Skep die mengsel in ’n spuitsak en spuit versigtig in die eierdoppe.

Meringue
5 Klits die eierwitte in ’n groot mengbak tot stywe punte vorm. Voeg die suiker stadig by terwyl jy deurentyd klits. Die meringue moet glansend en dik lyk.

6 Skep die meringue op die eiers.

7 Skroei die meringue effens met ’n blaasvlam, of sit vir ’n minuut onder die oondrooster. Hou maar fyn dop!