Sowat 387 miljoen mense, oftewel 8% van die wêreldbevolking, ly aan tipe 2-diabetes,en volgens onlangse ondersoeke sal dié alreeds groot syfer na verwagting oor die volgende 20 jaar na ’n yswekkende 592 miljoen opskiet. Daarby is Suid-Afrika die land met die tweede hoogste diabetes-lyers in Afrika. Meer nog: Helfte van dié lyers is nie eens bewus daarvan dat hulle diabete is nie.
As jy eers diabetes het, het jy dit lewenslank. Met al die komplikasies wat daarmee saamgaan, soos ’n baie groot kans op ’n hartaanval, beroerte en nierskade.
Die meeste diabete se sig verswak dramaties. Weens swak bloedsomloop ervaar baie diabete onomkeerbare pyn in hul hande en veral voete, wat dit swaar maak om te stap en hul hande te gebruik. Om dieselfde rede ontwikkel baie diabete aaklige ulsers (ongeneeslike sere) aan veral hul voete en bene, wat dikwels uitloop op ’n troumaitese amputasie.Diabetes verniel nie net jou lyf nie; dit het ook ’n yslike impak op jou lewe. As jy eers diabetes het kan jy verwag dat dit10%-25% van jou inkomste gaan opslurp om mediese uitgawes vir dinge soos insulien, bloedtoetsing, doktersafsprake en duur mediese toetse te betaal. Skielik raak reis en uiteet, en veral vakansies en uitstappies gekompliseerd, as jy dit nog sou kon bekostig. Daarby sal jy ’n groot deel van jou dag daaraan bestee om jou diabetes te bestuur, met minder tyd oor vir die lekker dinge in jou lewe.Die heelbeste is om diabetes geheel en al te vermy deur altyd gesond te eet en veral deur elke dag ten minste ’n halfuur aktief te wees.Nogtans is dit moontlik om diabetes onder beheer te hou. Indien jy vroegtydig jou diabetes begin bestuur kan jy die impak daarvan heelwat kleiner maak, en veral keer dat normale dag-tot-dag take onuithoudbaar raak.Hoe meer jy van diabetes weet hoe beter kan jy dit hanteer.
Indien jy onseker is oor watter vitamiene ’n diabeet moet inneem, loer gerus na ons tabel wat dit uiteen sit.Probeer ook ons kosredakteur, Vickie de Beer, se heerlike diabeet-vriendelike resepte uit haar nuwe boek The Low Carb Solution to Diabetes wat vanjaar die Sunday Times Cookbook of the Year-toekenning gewen het.
(Klik op die foto’s om na die resepte geneem te word)