Wenke vir ’n mooi wintervel

Jou velsorgroetine behels in die winter meer as net bevogtiging met ’n goeie room. Daar is ander maniere om jou vel deur hierdie temperatuurskommeling te kry.

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Hier is ’n paar wenke om jou vel se glans terug te kry.

'); googletag.cmd.push(function() { googletag.display('dfp-300x250-2'); }); document.write(''); }

Sonskerm, sonskyn

Die feit dat dit winter is, beteken nie jy moet nie sonskerm gebruik nie. Die winter se sonstrale is net so hard op jou vel soos die somerson. Wend sonskerm aan voor jy soggens die huis verlaat en as jy weet jy gaan deur die dag buite wees, hou die room in jou handsak sodat jy gedurig daarvan kan aanwend.

'); googletag.cmd.push(function() { googletag.display('dfp-300x250-3'); }); document.write(''); }

Bevogtig die lug

Gebruik ’n vogsproeier in jou woon- en slaapkamer. Verwarmers versprei warm lug wat jou vel uitdroog – vogsproeiers plaas vog terug in droë lug wat help om jou vel te bevogtig.

Moet dit nie aftrek nie

As jou vel deur ’n baie droë stadium gaan, vermy growwe gesigmaskers wat belangrike olies uit jou vel trek. Jy het juis hierdie olies in die winter nodig. Kies eerder ’n ligte reiniger sonder alkohol.

Vermy hitte

’n Lekker warm bad in die middel van die winter is wonderlik, maar ’n vuurwarm bad is nie goed vir jou vel nie. Die hitte haal belangrike olies uit jou vel. Al klink ’n louwarm bad nie so lekker soos ’n warm bad nie, is dit beter vir jou vel. Probeer dit eerder.

Versorg jou lippe

Moenie jou lippe vergeet nie – hulle verdien dieselfde hoeveelheid liefde as die res van jou lyf. Belê in ’n goeie lipbalsem wat jou lippe beskerm en bevogtig. Wend dit saans aan, asook soggens onder jou lipstiffie.

Lees ook: Raad vir ’n tienervel