6 Maniere om gemakliker te reis

6 Maniere om gemakliker te reis deur Salomé Delport. Hooffoto: iStock/monkeybusinessimages

1 Reis lig

Ma’s is geneig om hul handsakke te oorlaai met alles vir elke moontlike krisis – wat 99% van die tyd nooit opduik nie.

’n Swaar sak oor jou skouer trek jou postuur skeef, laat jou klere lelik sit en kan rug-, nek- en skouerpyn veroorsaak.

#rrWenk: Pak die sak uit!

iStock/Halfpoint

2 Steun jou rug

Skeef en krom sit, lei tot pyn in jou rug, nek en skouers.

Stel jou motorsitplek so dat jou rug gemaklik reguit is, dalk met ’n kussinkie of rugstut in jou lae rug.

Stel jou nekstut dat die middel van jou agterkop gemaklik daarteen leun.

iStock/deepblue4you

Lees ook: 4 redes hoekom dit belangrik is om rugoefeninge te doen

3 Sit lekker langbeen

Hoe meer uitgestrek jou bene is, hoe beter vir jou bloedsomloop.

iStock/Scottshotz

Lees ook: 2 dinge wat jy oor jou kar, grensposte en versekering moet weet

4 Rek en rol

Dit is heerlik ontspannend om jou spiere saam te trek en te ontspan. Begin by jou hande en bal jou vuiste; trek dan jou voorarms styf saam en daarna jou skouers en nek. Ontspan nou van jou nek af terug tot by jou vingers, en strek daarna jou arms en rug. Doen dieselfde met jou been-, boud- en maagspiere. Rol ook jou skouers en nek.

iStock/izusek

5 Drink meer water

Lugreëling dor jou vel uit. Pak ’n botteltjie water vir elkeen in die motor in.

#rrWenk: Jy is op koers as jy ’n 500 ml-bottel water uitdrink vir elke vier uur op die pad.

iStock/seb_ra

Lees ook: Eet en drink só wanneer jy reis

6 Geniet die kokontydjie

Hoeveel keer per jaar kry jy tyd om regtig net saam met jou geliefdes te wees? Gesels oor die lekker ou dae, oor elkeen se drome, speel karkrieket en luister na mekaar se musiek. Dit is baie lekkerder as om te skel en te stres oor ander padgebruikers, die padtoestand en die politiek.