5 redes hoekom jy nou moet begin fietsry deur Anet Schoeman
Fietsry is ’n wenner vir vroue. Hier is 5 redes hoekom jy nou moet begin fietsry:
1. Jy slaap beter
Slaaploosheid weens spanning en angstigheid kan jou gesondheid en konsentrasie benadeel. Studiebevindings onder slaaploses toon dat net 20-30 min. se fietsry per dag hulle gouer en sowat ’n uur langer laat slaap het.
Lees ook: Hou bekommernis oor werk jou wakker? Hier is raad
2. Jy maak nuwe vriende
Fietsry is ’n lekker sosiale sport. So kuier-kuier leer jy mense ken en agterna gesels julle verder terwyl almal saam koffie drink.
Sluit by ’n klub aan wanneer jy nie mense ken wat ry nie. Jy ry in ’n groep wat jou vaardigheid pas.
Lees ook: 28-dag oefenplan vir beginner-fietsryers
3. Kry ’n somerlyf – die hele jaar lank
Fietsry oefen sommer al die spiere in jou bene en agterstewe. Net die ding om van die winterdye ontslae te raak en jou sitvlak reg te kry vir die seevakansie en swembroek.
En jy verbrand natuurlik hope energie wat die winter se ekstra rolletjies vinnig sal laat verdwyn.
Lees ook: Toets jouself – hoe fietsfiks is jy?
4. Dit laat jou jonger lyk
Almal waarsku teen die son as jy in die buitelug is, maar ’n studie deur die Stanford Universiteit het bevind dat verbeterde sirkulasie ekstra voedingstowwe na jou vel bring en gifstowwe verwyder.
Boonop prikkel oefening die vorming van kollageen wat jou vel jonger laat lyk.
Lees ook: Jy is nooit te oud vir fietsry nie!
5. Fietsry maak jou slim
Navorsers aan die Illinois-universiteit sê oefening verbeter jou kardiovaskulêre fiksheid met 5% en breinfunksie met 15%. En die verhoogde suurstof na jou brein kan die risiko op Alzheimer se siekte verminder.
En vir nog goeie fiksheidraad en fietsry-wenke, loer hier.
Hooffoto: Andrea Piacquadio vir Pexels
Lees Meer
