Sachertorte met lemoen

Bestanddele van die koek

• 200 g donkersjokolade (70% kakao)
• 150 g botter, saggemaak
• 8 eiers
• 160 ml (2/3 k) strooisuiker
• 180 ml (3/4 k) meel
• 10 ml (2 t) gemengde speserye
• 60 ml (1/4 k) lemoenmarmelade, warm

Instruksies vir die koek

1. Voorverhit oond tot 180 ℃. Smeer 20 cm-springvormpan en voer basis en kant met bakpapier uit.
2. Meng sjokolade en botter in hittebestande bak oor pot met pruttende water (moenie dat water aan onderkant van bak raak nie). Roer tot gesmelt en glad. Verkoel effens.
3. Klits eiers en suiker saam in bak met elektriese menger vir 8 minute of tot verdriedubbel in volume. Sif meel en speserye oor; vou liggies met klitser in om te kombineer.
4. Plaas sjokolademengsel oor na bak. Vou eiermengsel in, in twee sarsies. Giet mengsel in pan en maak oppervlak glad.
5. Bak koek vir 50 minute of tot toetspen skoon uitkom. Laat koek vir 20 minute in pan afkoel voor jy dit op draadrak sit.

Bestanddele van die sjokoladeglaseersel

• 300 g donkersjokolade (70%), gekap
• 300 ml room

Instruksies vir die sjokoladeglaseersel

1. Plaas sjokolade in oondbak. Giet room in pot en bring tot kookpunt. Gooi warm room oor sjokolade en roer tot glad.

Sit voor

1. Sny bokant van koek af. Sny ronde bakpapier effens groter as die koek; plaas op draadrak. Draai koek onderstebo op bakpapier. Sny koek in helfte en smeer basislaag met warm marmelade. Bedek met oorblywende koeklaag.
2. Plaas koek op draadrak oor skinkbord. Gooi versiersel oor koek; gebruik platlemmes om versiersel eweredig oor koek te smeer.

rr wenk: Jy kan konfyt in plaas van marmelade in hierdie resep gebruik.

Lees ook: Neuttertjies